ಹೇಗೆ ಮರೆಯಲಿ ನಾನು
ಸಾವಿರದ ದಿನಗಳನು
ಭಾಗೇಪಲ್ಲಿಯ ಎರಡು
ಸಾವಿರದ ದಿನಗಳನು
ಸಾಸಿವೆಯ ನನ್ನನ್ನು
ಸಾಗರವ ಮಾಡಿರುವ
ನಿಮ್ಮ ನೆರಳಿನ ಎರಡು
ಸಾವಿರದ ದಿನಗಳನು
ಮನೆಯಲ್ಲಿ ರಸದೂಟ
ಶಾಲೆಯಲಿ ಗುರುಪಾಠ
ಸಂಘದಾ ಶಾಖೆಗಳ
ಸವಿಯಾದ ದಿನಗಳನು
ಚಿಕ್ಕಪ್ಪನಾ ಯೋಗ
ಚಿಕ್ಕಮ್ಮನಾ ತ್ಯಾಗ
ತಮ್ಮನಾ ಜತೆಗಿನಾ
ತಂಪಾದ ದಿನಗಳನು
ಪುಟ್ಟ ಮನೆಯಲಿ ಹೆಚ್ಚು
ಆನಂದ ತೋರಿಸಿದ
ರಾಮನಾ ಸನಿಹದಾ
ನೋವಿರದ ದಿನಗಳನು.
ಅಂತರ
ಬಂಗಾರದ ಉಂಗುರದಲ್ಲಿ,
ಬಂಗಾರ ನಿರಾಕಾರ,
ಉಂಗುರ ಸಾಕಾರ,
ಉಂಗುರ ಬಂಗಾರದ್ದು,
ಆದರೆ
ಬಂಗಾರವೆಂದರೆ ಉಂಗುರವಲ್ಲ
ಹೀಗಿದೆ
ನಮ್ಮ ಮತ್ತು ದೇವರ
ಅಂತರ.
ಅರಸ
ಆಳುವವ ಅಳಭಾರದು,
ಆಸಕ್ತಿ ಅಳುವಿಗೆ ಆಧಾರ,
ಅಳುವ ಆಸಕ್ತ ಆಳಾದರೇ,
ಆಳುವ ಅನಾಸಕ್ತ
ಅಪೇಕ್ಷೆಯೆಂಬ
ರಸವಿಲ್ಲದ
ಅರಸನಾಗುತ್ತನೆ,
ಅಜೇಯನಾಗುತ್ತಾನೆ.
Welcome to WordPress.com. This is your first post. Edit or delete it and start blogging!
